Anonymous filtra las cuentas d’o Partiu Popular

A contabilidat d'o PP dende 1990 a 2011 ha prencipiau a circular por o rete dimpués de que un usuario la haya publicau

Mariano Rajoy, president d'o PP

Mariano Rajoy, president d’o PP

O colectivo Anonymous ha publicau a contabilidat d’o Partiu Popular dende 1990 dica 2011. Os millars de pachinas que reflexan a contabilidat oficial d’a organización que preside Mariano Rajoy han prencipiau a circular en Internet poco dimpués de que a secretaria cheneral María Dolores de Cospedal asegurase que as cuentas d’o partiu “las conoixe toda Espanya” y presumir de que o suyo partiu ye o más transparent, porque publicó quatre pachinas d’os balances d’as anyadas 2008 a 2011. Quasi de vez se feban conoixer os datos contables d’o partiu dende 1990, pero lo feba, a traviés de una filtración, un ciudadan anonimo.

As cuentas d’o PP son en mans d’o chuez Pablo Ruz, que investiga la presunta financiación ilegal en o partiu de Rajoy. Ruz demandó a lo PP os suyos exercicios contables dende l’anyada 1990. En primeras a formación amostró refús a entregar-las. Os advogaus esfendeban que nomás teneban a obligación de alzar as cuentas d’as zaguers cinco anyadas. Antimás, t’a part d’alavez, fuents d’o partiu aseguraban que no podeban cumplir a orden porque sisquiá contaban con a documentación d’os exercicios d’antis de l’anyada 2004.

A tresorera actual d’a organización, Carmen Navarro, tampoco no pareixeba disposar d’istos documentos. L’auditoría interna que facioron os populars y que vendioron como una muestra de “transparencia” preneba 1995 como anyada de prencipio de l’estudio en no existir series de datos anteriors”. De feito, o PP nomás entregó a lo machistrau as cuenta dende ixa anyada.

Agora se contrimuestra que a documentación no yera esfeita y que as cuentas dende 1990 yeran disposables.

Fuent: http://www.eldiario.es/politica/Anonymous-filtra-cuentas-Partido-Popular_0_151535327.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.