Apareixen crepas en casas situadas difuera de l’aria de seguridat fixada por a CHE en o entibo de Yesa

Apareixen mas crepas en a ladera d'o entibo de Yesa, en iste caso difuera d'o clamau perimetro de seguridat, por o que o deslizamiento sería mayor

Breca en a ladera de Yesa (Foto: Yesa + No)

Breca en a ladera de Yesa (Foto: Yesa + No)

En as zagueras semanas han amaneixiu crepas en casas situadas difuera d’a zona de seguridat en a ladera d’o entibo de Yesa, o que fa pensar que o deslizamiento d’ista ladera podría abarcar una superficie mayor que a fixada en chinero pasau por as autoridatz en o clamau perimetro de seguridat. A urbanización ye “un puesto pantasmal”, dicen os vecins, que cada vegada se fían menos d’as autoridatz y han presentau una reclamación debant d’a Confederación Hidrografica de l’Ebro (CHE) ta que les indemnice por os perchuicios ocasionaus.

“Han amaneixiu crepas difuera d’o perimetro en as carreras, qualques d’ellas con continuidat en as fronteras. Son danyos causaus por a descompresión d’o terreno, como una esponcha que s’ubre, y porque iste ye sufrindo un efecto d’arrociegue”, afirma Juan Carlos Huarte, arquitecto y un d’os tecnicos que asesora a os vecins d’a urbanización Lasaitasuna.

Huarte explica que “a superficie de crebadura prencipal se troba a 50 metros de profundidat y refleixaría os danyos mas grieus en as viviendas. Pero bi ha unatra superficie de rotura inferior, a 100 metros de profundidat, y ixa no sabemos dica do abarca ni dica do finaliza l’efecto d’arrociegue d’a ladera”.

L’arquitecto sinyala que a ladera s’ha desplazau y agora o terreno se ye fundindo, o que provoca una desigualdat en o firme. Ixo fa que “tot o que sían elementos richidos d’a zona desaloixada, como os muros de contención d’as carreras, se partan y se deseparen y ixo tienga continuidat en as propias fronteras y en a estructura d’os immuebles“.

Os 84 propietarios d’a urbanización, a metat d’os quals estioron desaloixaus en febrero d’as suyas viviendas, han presentau debant d’a CHE un expedient de reclamación ta que les indemnice por os perchuicios ocasionaus. “O que mas nos ne fa ye a desinformación d’a confederación, que ha estau amagando entre anyos a realidat y solament ha dau a cara quan o desastre yera muit abanzau”, afirma Koldo Pastor, miembro d’a comisión vecinal.

Dica agora, os danyos estructurals en una dotzena de casas son irreversibles, encara que os vecins temen que iste numero vaiga aumentando con o tiempo. Amás, a desconfitanza en a CHE fa que bi haiga familias que pueden habitar as suyas viviendas pero no lo fan por temor a lo que pueda ocurrir y porque ixo “pareixe un puesto pantasmal”, afirma Pastor.

Fuent: http://elventano.blogspot.com/2013/11/aparecen-grietas-en-casas-situadas.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.