Apareixen pintadas nazis en locals d’o vico de Sant Chusé de Zaragoza

Bells locals d'o vico han sufriu ataques nazis en forma de pintadas. Radio La Granja ha denunciau os feitos y demanda a las atras asociacions afectadas a unir-se en un comunicau de refuse conchunto

IMG-20130609-WA0000

Foto: Radio La Granja

A voz d’alarma debant d’istos feitos la ha dada Radio La Granja, radio libre d’o vico zaragozano que ha visto como a frontera d’o suyo local ha sufriu l’ataque en forma de pintadas nazis mientres as dos zagueras semanas.

Pintadas con esvasticas nazis, simbolos falangistas u cruces celticas han estau beluns d’os simbolos nazis pintaus, de vez que se podeba leyer l’adchectivo “etarras” en una d’as finestras, u “Sieg Heil”, una común expresión nazi. Manimenos, bells locals y asociacions mas d’o vico han sufriu istos ataques.

L’asamblea de Radio La Granja, en un comunicau, refusa istos feitos y demanda a las asociacions d’o vico que han sufriu istos ataques “que se nos unan ta, en o menor tiempo posible, confeccionar un comunicau conchunto que faiga insistencia en iste refuse“.

Radio La Granja considera istos ataques “una vulneración d’o nuestro espacio fisico, asinas como a manifestación d’una ideolochía violenta, racista, intolerant y contraria a o que queremos en o nuestro vico, o vico de Sant Chusé“.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.