Apedregau l’autobús d’o Reyal Zaragoza

O Zaragoza fa un partiu fosco y pierde 3-0 con Osasuna

Quan tornaban d’o partiu feito en Pamplona, an que van perder 3-0, l’autobús d’o Reyal Zaragoza ha estau apedregau en a mesma ciudat. Una piedra ha impactau contra o veire lateral de l’autobús ferindo leu a o conductor d’o mesmo. O succeso no ha iu a más y os conductors han puesto continar viache.

L’acto vandalico se produce dimpués d’un partiu en que o Reyal Zaragoza no ha plantau cara a l’Osasuna y en un partiu fosco veyiba como os navarros plegaban con facilidat a puerta. 3 gols en a primera parti deixaban sentenciau o partiu, dos d’ells d’identica factura en un desachuste defensivo. En a segunda parti, l’actuación de Roberto ha viedau a l’Osasuna de poder fer mas gran a esferencia, y nomás un disparo de luen de Juan Carlos, qu’heba dentrau en a segunda parti.

O Zaragoza queda con 9 puntos en a clasificación en o puesto 14, a 4 puntos d’o descenso y atros 4 d’os puestos europeyos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.