Aponderando as uembras

Amara Carvajal

14 noviembre, 2011 | Mundo de Formas | Autor: Amara Carvajal | Tweet

“En Occidente, o mas poderoso aliau d’a belleza estió siempre a luz; en a estetica tradicional chaponesa l’esencial ye en captar l’enigma d’a uembra. Lo bello no ye una substancia en ell sino un chuego de claroscurs produciu por a yuxtaposición d’as esferents substancias que va formando o chuego sutil d’as modulacions d’a uembra. Lo mesmo que una piedra fosforescent en a foscor pierde toda a suya fascinant sensación de alfaya preciosa si estase exposada a plena luz, a belleza pierde toda a suya existencia si se suprimen os efectos d’a uembra.” Aponderadura d’a uembra. Junichirò Tanizaki

Y ye la uembra la que construye dende a suya tutonería as formas. Companyera indisoluble d’a luz. Ye a uembra a que convive entre os foraus d’a imachinación y ye o puente entre emoción y razón.