Apple investiga as denuncias d’explotación d’os suyo fabricants chineses

Fair Labor Association entrevistarà milenta treballadors ta conoixer as suyas condicions laborals

Treballadors de Foxconn (Foto: Dicky Feng)
Treballadors de Foxconn (Foto: Dicky Feng)

A transnacional Apple ha prencipiau investigacions en as fabricas proveyedoras Foxconn, Quanta y Pegatron, en China, dimpués de recibir denuncias sobre un suposau tracto d’explotación d’os treballadors suyos. Os informes d’evalución los realizará Fair Labor  Association (FLA), una prestichiosa entidat sin animo de lucro que tien por obchetivo denunciar y sacar as situación d’explotación a ran mundial. O proceso analizará as condicions de treballo y de vida d’os treballadors d’istas interpresas, a traviés de milenta entrevistas personals con os suyos treballadors.

As investigacions prencipioron iste lunes en a fabrica d’a taiwanesa Foxconn City, en a ciudat chinesa de Shenzhen, que chunto con a planta de Chengdu, ya heba teniu antecedents referents a suposaus casos d’explotación d’os treballadors suyos. Foxconn tien más de mil obrers y heba debantau rumers sobre cualques suicidios en a zaguer anyadas.

A FLA auditará cualques interpresas proveyedoras d’Apple en China y bi investigará as condicions laborals: ‘Creyemos que os treballadors de totz os cabos tienen dreito a un ambient laboral seguro y chusto, y es por ixo que hemos demandau a FLA que evalgüe de traza independient os nuestros proveyedors más importants’, ha explicau o director executivo d’Apple, Tim Cook.

Apple asegura que os proveyedors chineses no han meso garra entrepuz a las investigacions, s’han amostrau disposaus a cooperar con a FLA, y permitirán que a entidat tienga acceso a las dembas de fabricación, dormitorios y atras zonas que no i pueden dentrar que os treballadors. As primers evalguacions se ferán publicas t’o mes de marzo.

T’a fin d’a primavera, as fabricas investigadas en Chinta representarán o 90 % d’os proveyedors mundials d’os productos d’Apple. As investigacions d’o chigant tecnolochico a os suyos fabricants prencipioron en 2006 quan a transnacionals ya auditó 40 planta de Foxconn.

 

Fuent: http://www.vilaweb.cat/noticia/3983932/20120213/apple-investiga-denuncies-dexplotacio-seus-fabricants-xinesos.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.