Aprebada a constitución d’un Echipto trestallau

O comité eslectoral confirma que o sí a o nuevo texto obtiene un 63,8% d'os votos en o referendum constitucional

referendumechiptoO comité eslectoral supremo d’Echipto ha anunciau que a nueva constitución d’o país s’ha aprebau con un 63,8% de votos afirmativos en o referendum constitucional celebrau o 15 y o 22 d’aviento. Iste dato confirma o que ya heban anunciau os Chirmans Musulmans, o movimiento islamista partidario d’o texto constitucional y que empara a o president, Mohamed Mursi. A participación ha estau d’o 32,9%, seguntes datos oficials.

O comité eslectoral tamién ha dito que s’heban investigau ‘a preset’ todas as queixas que n’i heba habiu sobre supuesto fraude d’os opositors.

Siga como siga, a polemica ye servida. Porque a oposición mantiene a denuncia de fraude en as votacions y qüestiona a lechitimidat d’a consulta en un país cada vegada mas trestallau.

Islamización

En efecto, a nueva constitución ha trestallau Echipto entre os sectors islamistas, os laicos y cristianos, que temen a islamización d’o país y veyen menazadas as libertatz. Consideran que a Constitución comportará uns islamización d’a vida publica y un retalle d’as libertatz individuals, especialment d’as mullers.

O trestalle plega a o mesmo gubierno. Amás d’o vicepresident Mekki, siet d’os decisiet maximos consellers d’o president Mohammed Mursi han dimitiu en as zagueras semanas.

Fuent: http://www.vilaweb.cat/noticia/4068698/20121225/aprovada-constitucio-egipte-dividit.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.