Aprebau l’Abantprochecto d’a Lei d’Extinción d’Incendios en Aragón

Se regulará a figura d'o bombero profesional como funcionario y se le dotará de autoridat publica. Dica que o Gubierno estructur o servicio, serán as Comarcas las encargadas d'ista competencia.

Visita de Suarez a lo parque de bombers de Fraga (Foto: D.Ch.A.)
Visita de Suarez a lo parque de bombers de Fraga (Foto: D.Ch.A.)

O Gubierno d’Aragón ha dau un trango más ta tener en vigor a Lei d’Extinción d’Incendios. Tal y como yera previsto – ya lo heba anunciau o Conseller d’Interior, Antonio Suárez, en a suya reunión con Juan Alberto Belloch – o Consello de Gubierno ha conoixiu os primers detalles d’a nueva norma.

Seguntes l’Abantprochecto presentau, a competencia en ista demba será d’os municipios con más de 20.000 habitadors y, en a resta de casos, l’asumirá o propio Gubierno d’Aragón. Dica l’inte que a D.Ch.A. estructure y faiga a suya propia organización de Bombers, será as Comarcas as que continarán fendo iste servicio, como fan en a mas gran parti d’os casos agora mesmo.

Por l’inter no bi ha calendata t’a creyación d’un cuerpo de bombers propio. O mesmo Suárez ha apuntau que a situación economica actual no ye guaire ideyal ta creyar-lo a diya de hue. O titular d’interior quier que a primer lei que regula a extinción d’incendios en Aragón haiga superau o examen d’as Cortes d’Aragón a meyaus de chulio ta prencipiar con os treballos.

Seguntes o texto, o Gubierno d’Aragón será l’encargau de determinar los criterios de organización territorial d’o servicio y de regular a estructura d’o mesmo, antimás de coordinar as accions locals de prevención y extinción. Aintro d’a nueva reglamentación, se i reculle de traza explicita que os Bombers profesionals tendrán a categoría de funcionarios y se regula a figura d’o voluntario.

En o nuevo camín establiu, se creyará l’Academia Aragonesa de Bombers, que guaranciará a formación y o perfeccionamiento d’o personal que preste os suyo servicios en ista demba.

En l’abantprochecto, antimás, bi ha por primer vegada un trestallo tocant a los incendios forestals a on que s’afirma que “pertocará a o Departamento comepetent en Protección Cicil a dirección y a organización operativa, entre que o Departamento de Meyo Ambient s’encargará d’a prevención y extinción”.

Fuent: http://www.aragon2.com/n-19509-2-Aprobado_el_Anteproyecto_de_la_Ley_de_Extincion_de_Incendios_en_Aragon?utm_source=feedburner&utm_medium=feed&utm_campaign=Feed%3A+Aragon2UltimasNoticias+%28Arag%C3%B3n2.com%29

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.