Aprebau o prochecto de ley ta retallar o gasto publico

O gubierno deixará o 65% d'a suya partecipación en interpresas publicas, y nomás pervivirán entre 30 y 35 interpresas.

Bermúdez de Castro y Garcés, dimpués d'o Consello de gubierno

Bermúdez de Castro y Garcés, dimpués d'o Consello de gubierno

O Prochecto de Lei d’Estabilidat Presupuestaria marcará un antes y un dimpués en a politica presupuestaria aragonesa. Asinas lo ha asegurau o consellero de Ficienda y Administración Publica, Mario Garcés dimpués d’a suya aprebación en Consello de Gubierno.

“Se tracta d’un compromiso d’o debat d’investidura d’a presidenta d’o Gubierno. Ye un compromiso con a estabilidat, con l’austeridat, con a contención d’o gasto publico. Y no solament ixo, amás guarda relación con os regles de disciplina que son imposando tanto a Unión Europea como Espanya”, ha dito Garcés.

Con ell, Aragón se sitúa en o grupo d’as primeras comunidatz que han reglau instrumentos churidicos que pretenden guarenciar a estabilidat y a reducción d’a esferencia fiscal entre ingresos y gastos.

Determina amás iste Prochecto de Lei que Aragón no podrá cayer en un deficit estructural que supere as marguins establidas por l’Estau en a normativa basica y fixaus en relación con o Producto Interior Bruto. Nomás en condicions de esferra natural, recesión economica u emerchenci extraordinaria se podra superar ixe marguin. Tamién se podrá puyar un quarto de punto ta inversión en actuacions productivas, incluitas as d’I+D+I.

Como novedatz, en iste limite de gasto s’incluirá un Fondo de Continchencia, con un importe minimo d’o 1% d’ixa cantidat y unatro como fundo de deuda d’o gasto sanitario, ta atender desequilibrios en ixa demba.

O gubierno deixará o 65% de partecipación en interpresas publicas

Pero amás hue a o Consello de Gubierno s’ha informau tamién d’un Decreto Lei que s’aprebará en o proximo Consello de Gubierno ta racionalizar o sector publico interpresarial. O Decreto-lei replega una serie de medidas urchents aplicables a o sector publico interpresarial ta racionalización y millora d’a chestión d’as sociedatz empresarials autonomicas.

A reestructuración, que aspera zarrar en un anyo, pasará por a venta d’accions, por fusions y por absorcions de competencias por parte d’a Comunidat, y ferá que pervivan entre 30 y 35 sociedatz, que serán chuzmesas a regles de disciplina severas, seguntes ha abanzau o consellero de Ficienda, Mario Garcés, encara que no ha especificau o estalbio que suposará ni de quántos directivos se va a prescindir, sisquiá a que interpresas publicas afectará.

“Ta privar angunias a o personal”, seguntes Garcés, as interpresas que ampran servicios d’intrés cheneral se conservará l’emplego publico y os treballadors “no tienen por qué tener garra temor”, si bien o Gubierno tampoco lo tendrá “ta fer achustes en a plantiella de directivos en casos de “sobredimensionamiento”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.