Apudepa aconsigue a imputación de Victorino Alonso por a esferra en a espelunga de Chaves

A espelunga Chaves yera un d'os chacimientos neoliticos más importants d'a Peninsula

Estau d'Espelunga Chaves

Estau d'Espelunga Chaves (Foto: Apudepa)

En as zaguerías de 2007 o duenyo d’a interpresa FIMBAS ordinó a destrucción d’o chacimiento arqueolochico d’a Cueva Chaves, o mas important chacimiento neolítico d’a Peninsula. Manimenos que en o suyo día o Director Cheneral de Patrimonio, Jaime Vicente Redón, prometió “plegar dica o final” y depurar totas as responsabilidatz, o Gubierno nomás que fació una denuncia a o fiscal y no solicitó a imputación d’o duenyo d’a interpresa, Victorino Alonso, president d’a patronal d’o carbón.

L’asociación Apudepa d’esfensa d’o patrimonió se presonó en o proceso como acusación particular ta aconseguir a imputación d’o responsable d’a esferra. Agora o Chudgau d’Instrucción numero 3 de Uesca ha emitiu una Providencia por meyo d’a que se ordina a declaración d’imputau a Victorino Alonso, a petición d’Apudepa. Asinasmesmo, o Chudgau ha clamau como testimonios a 2 d’as presonas que solicitaba l’asociación.

Seguntes remera Apudepa, Victorino Alonso ha estau ya condenau por a chusticia y ha protagonizau escandallos politicos y economicos. Apudepa ha recibiu con goyo ista imputación que puede depurar responsabilidatz por a destrucción d’un important patrimonio cultural d’o país

2 Rispuestas a Apudepa aconsigue a imputación de Victorino Alonso por a esferra en a espelunga de Chaves

  1. consello rechional

    dimpués nos aclamamos de o nuestro patrimonio en Lleida, pero isto que lo tenébanos aquí, en o preto a Sierra Guara, nos lo hemos dixau perder. ¿Quánto nos achugamos a que iste buen sinyor se’n sale “de rositas”?

  2. !Imputau Victorino!, Ye una sobrebuena notizia.

    Entadeban APUDEPA!!!

Responder a consello rechional Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.