Apudepa acusa a l’alcaldesa de Uesca de querer esvoldregar un edificio sin autorización de Patrimonio

L'alcaldesa Ana Alós, diz contar con una "autorización verbal"

Sant Pietro lo VIello, en Uesca (Foto: Wikipedia)

Sant Pietro lo VIello, en Uesca (Foto: Wikipedia)

Apudepa ha denunciau l’actitut de l’alcaldesa de Uesca, Ana Alós, qui ha admitiu que l’esvoldregue d’a casa catalogada d’a carrera Salvador y a Plaza Sant Pietro, no cuenta con l’autorización que cal d’a Comisión Provincial de Patrimonio de Uesca, sino nomás con un beneplacito verbal d’a Dirección Cheneral. L’alcaldesa, antimás, ha declarau que “no bi ha tiempo ta cumplir os tramites legals establius”.

Ta Apudepa (Acción Publica t’a Esfensa d’o Patromonio Aragonés) “somos debant d’un verdader escandalo”. Bi ha una “administración democratica que se reconoixe disposada a blincar-se a Lei con tal de resolver un problema que ha iu chenerando con a suya inactividat y con a suya inoperancia ta fer cumplir a los propietarios a Lei Urbanistica d’Aragón”. Apudepa creye que ista “incompetencia” no ha d’estar “pagada por o patrimonio historico d’a ciudat, sino por politicos y propietarios” qui son los que han levau a casa catalogada ta l’estau que agora en ye”.

L’Asociación coincide con o concello en que cal guarenciar a seguridat d’as personas y proposa que se basta la casa, ta que se puedan prener contino as decisions que calga ta conservar o inmueble, fendo servir os instrumentos que ta ixo estableixe a Lei Urbanistica. “L’edificio, antimás d’estar catalogau municipalment y de fer parti d’o BIC d’a ciudat de Uesca , ye adintro d’o BIC de Sant Pietro lo Viello, por que lo que qualsiquier obra sobre ell, cal que l’autorice a Comisión de Patrimonio, seguntes a lei, sin que i cullan excusas ni autorizacions verbals”, remera Apudepa.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.