Apudepa considera o espaldo d’a ermita d’Os Palacios un “nuevo atentau contra o patrimonio”

Apudepa denuncia o espaldo d'a ermita d'Os Palacios, en L'Almunia de Donya Godina, d'important valor historica y artística, y exiche responsabilidatz

Imachen de belunos d'os frescos en o interior d'a ermita agora espaldada

Imachen de belunos d’os frescos en o interior d’a ermita agora espaldada

A plataforma Acción Publica pa la Defensa d’o Patrimonio Aragonés (Apudepa) ha denunciau que s’haiga procediu a o salvache espaldo d’a ermita d’Os Palacios, en o termin de L’Almunia de Donya Godina, “un bello templo d’indubdable intrés historico y artistico”.

Se tracta d’un edificio d’orichen medieval que contaba con destacaus elementos decorativos, como tracerías de claro influxo mudeixar que forman parte d’a tradición considerada Patrimonio d’a Humanidat por a Unesco, u pinturas murals y cheserías barrocas.

L’asociación ha anunciau que iniciará una investigación pa averiguar si se tractaba d’un edificio con bell tipo de protección urbanistica u patrimonial pero recuerdan que, en tot caso, “as suyas valors historicas y artisticas no han puesto pasar desapercibidas”.

“Aragón no ye un país civilizau. Tampoco Espanya. Bella cosa que descubrimos tant vivament con o espaldo d’Averly por Brial, a pior agresión sufierta por o patrimonio aragonés en decenios, se confirma hue con iste nuevo y salvache atentau contra o nuestro legau común”, advierten.

Apudepa denuncia a falta de voluntat y capacidat d’o Departamento de Cultura d’o Gubierno aragonés pa controlar minimament o que ocurre con o nuestro patrimonio y exiche que s’investigue iste caso pa depurar as responsabilidatz que haiga d’asumir tanto qui ha executau o espaldo como d’as administracions que no han estau capaces de privar-lo.

Fuent: http://arainfo.org/apudepa-considera-el-derribo-de-la-ermita-de-los-palacios-un-nuevo-atentado-contra-el-patrimonio/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.