APUDEPA demanda a la DChA que exicha a o Gubierno d’Espanya o dreito de retracto sobre os biens

L'asociación considera que a Deputación Cheneral contrimostrará a suya implicación en iste caso en a mida que influiga sobre o Gubierno d'Espanya.

L’Asociación d’Aición Publica t’a Esfensa d’o Patrimonio Aragonés, APUDEPA, ha aculliu con prudent satisfacción a reunión mantenida hué por o Gubierno d’Aragón, o Concello de Villanueva de Sixena y o Bispau de Balbastro-Monzón. APUDEPA quiere amostrar o suyo refirme a todas as iniciativas que suposen qualsiquier trango en a buena adreza d’a recuperación d’os biens.

Manimenos, l’Asociación ha trobau a faltar una referencia expresa por parte d’a Consellera a o que APUDEPA considera que debe estar o primer paso: a exichencia a o Gubierno d’Espanya ta que exerza a l’inte o dreito de retracto, reservar ta ell a propiedat d’unas obras que afectan a mas d’una Comunidat Autonoma. Por ixo solicita a la Deputación Cheneral que aclareixca iste punto.

T’APUDEPA ista será a preba de fuego d’a voluntat y a implicación reals d’a Deputación Cheneral d’Aragón, que ha de prener un papel muito más activo que no dica agora. En ixe sentiu, l’Asociación remera que os miembros d’o Gubierno, quan yeran en a oposición, yeran belicherants contra la inaición de l’anterior Executivo. APUDEPA considera, manimenos, que l’actual Gubierno d’Aragón continará o camín de l’anterior si no aconsigue a implicación plena d’o Ministerio de Cultura.

Fuent: http://arainfo.org/2012/02/apudepa-pide-a-la-dga-que-exija-al-gobierno-de-espana-el-derecho-de-retracto-sobre-los-bienes/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.