Apudepa demanda o cese de Juan José Vázquez, Cherent de Zaragoza Cultura

Denuncian irregularidatz y una mala chestión en os puestos de cultura que ha ocupau

Juan José Vázquez (Foto: Arainfo)

Juan José Vázquez (Foto: Arainfo)

Apudepa (Asociación d’Aición Publica t’a Esfensa d’o Patrimonio Aragonés), dimpués de conoixer que o Cherent de Zaragoza Cultura y ex viceconseller d’a Diputación Cheneral d’Aragón, Juan José Vázquez, ha estau cobrando d’o Concello de Zaragoza mientres 4 meses un chornal que no le pertocaba, exiche o suyo cese de camín.

L’asociación considera que quatre meses son masiaus ta no parar cuenta que se ye cobrando un chornal que no pertoca.Apudepa sinyala que “ista no ye a primer irregularidat que s’asocia a Juan José Vázquez y remera que o Tribunal de Cuentas ha trobau situacions irregulars muito graus en a chestión d’o Departamento d’Educación, Cultura y Esporte mientres o suyo mandato, en casos como o d’a Escuela d’Artes, u o Museu Pablo Serrano”. Por tot ixo, y debant d’a nueva situación d’irregularidat economica, l’asociación entiende que “Vázquez no puet remanir ni un segundo más menando Cultura d’o Concello”.

D’atra man Adudepa denuncia tamién que “a chestión de Vázquez en Cultura d’a D.Ch.A. estió una esferra de tot y atentó terne que terne contra o patrimonio cultural, protagonizando casos tan penibles como los d’o Teatro Fleta, a Gara de Canfranc, l’Espacio Goya, u o Pablo Serrano”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.