Apudepa demanda que a fundición Averly se declare Bien d’Intrés Cultural

Creix o movimiento ciudadan en contra d'os plans ta esvoldregar l'antiga fundición.

Fundición Averly (Foto: Gozarte)

Fundición Averly (Foto: Gozarte)

Apudepa (Asociación d’Acción Publica t’a Esfensa d’o Patrimonio Aragonés) ha presentau iste chueves una demanda oficial ta que o complexo d’a fundición Averly siga catalogau como Bien d’Intrés Cultural en a categoría de Conchunto d’Intrés Cultural y en a figura de Conchunto Historico.

Apudepa crei que Averly ye o complexo industrial más intresants d’a ciudat de Zaragoza y un d’os principals d’Aragón y de tot l’estau. Por ixo, considera que no estar catalogau de traza integral ye una grieu error. L’asociación esfiende que se catalogue y se conserve de traza integra “pues nomas asinas conservará a suya altiza valura historica, urbana, arquitectonica y artistica. Con ixa enchaquia, Apudepa estendilla a demanda de catalogación tamién t’os espacios libres y t’as coleccions documentals de maquinaria y de moldes t’a fundición. En a demanda, Apudepa destaca que Averly ye “un d’os eixemplos más preciosos de villa-factoría y que mezcla o funcionalismo industrial con un toque de pintorequismo burgués, manifestau más que más en os chardins.”

Ista asociación, chunto con Gozarte, UNESCO Aragón y atras han prencipiau una campanya de replega de firmas ta salvar a fundición Averly, dimpués de conoixer-se fa bells diyas, que una constructora podría esvoldregar quasi tot lo complexo ta fer-ie pisos. Nomás l’antiga residencia d’a familia se salvaría en caso de plegar a fer-se realidat os plans d’a constructora. A plataforma, recient creyada, ya ha conseguiu replegar más de 1000 firmas y ha convocau una manifestación t’o venient 1 de chunio.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.