Apudepa denuncia “irregularidatz fraudulentas” d’o Concello de Zaragoza en a protección d’Averly

Apudepa denuncia que o Concello de Zaragoza amaga un informe tecnico sobre a solicitut de l'asociación t'a declaración d'Averly como Monumento d'Intrés Local

Foto: Gozarte

Foto: Gozarte

Apudepa denuncia publicament y con caracter d’urchencia o que a o suyo chuicio ye “un feito gravismo, una irregularidat intolerable y fraudulenta: que o Concello de Zaragoza amaga un informe tecnico sobre Averly en relación con a solicitut d’ista asociación t’a declaración d’a factoría como Monumento d’Intrés Local”.

“Dimpués de numerosas chestions en un expedient en que somos parte intresada, y debant d’a insistencia d’a nuestra asociación por o silencio sobre una petición efectuada fa ya tiempo, recibiemos por Planeamiento a información sobre a existencia d’un informe tecnico sobre a qüestión. Intresaus como somos en l’expedient tenemos o dreito de conoixer en tot momento os tramites que se van realizando. Y pese a ixo, y pese a la nuestra insistencia dende a semana pasada, Planeamiento solament nos confirma a existencia de l’informe y que se troba en posesión d’o cherent, apartau fraudulentament d’o expedient”, contina explicando Apudepa.

“Solicitau l’informe dreitament a Cherencia, Cherencia sigue negando-se a entregar-lo, encara que suposa una flagrant violación d’os nuestros dreitos como parte intresada y sumindo-nos en una posición intolerable d’indefensión. Debant d’ista gravisma irregularidat pedimos a compareixencia de l’alcalde, Juan Alberto Belloch, ta explicar as sospeitas que se ciernen sobre Urbanismo y a entrega decamín a ista Asociación de l’informe seqüestrau, con a finalidat de poder proseguir con as chestions que nos pareixca oportuno realizar. Nos trobamos debant d’un escandalo mayusclo con serias implicacions de toda mena”, concluyen dende Apudepa.

Fuent: http://arainfo.org/2013/12/apudepa-denuncia-irregularidades-fraudulentas-del-ayuntamiento-de-zaragoza-en-la-proteccion-de-averly/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.