Apudepa denuncia o espalde d’una casa historica en Favara

O concello de Favara descatalogó iste edificio protechiu ta poder esboldregar-lo. Apudepa denuncia que ye "ilegal" y ha presentau un recurso

A casa, situada en a carrera Aire 34 de Favara. Foto: Apudepa

A casa, situada en a carrera Aire 34 de Favara. Foto: Apudepa

“Qualques concellos aragoneses protechen bells biens immuebles por o suyo intrés historico, artistico y ambiental pero en a practica, en a-saber-los casos, ixes bienes se deixan sin protección efectiva, a o compás de l’actitut d’a propiedat particular que a ormino los abandona u no manifiesta intrés por os mesmos”. Apudepa denuncia iste posicionamiento “contrario a o esprito y a la letra d’a lechislación vichent, o estricto deber de conservación, rehabilitación y acreixentamiento d’o patrimonio cultural en cheneral y de l’arquitectonico en particular”. Propietarios y concellos son “concernius en a debida custodia d’o patrimonio aragonés y d’os immuebles en particular”.

En conseqüencia, Apudepa ha dirichiu en a zaguera semana un recurso de reposición a o concello de Favara (comarca d’o Baixo Aragón-Casp) ta que s’anule l’alcuerdo de descatalogación y se solicita que se paralice o espalde d’a casa de l’Immueble por o suyo manifiesto intrés historico artistico y como tal protechida en o catalogo d’o planeamiento urbano de Favara como de “conservación estricta” dica o citau alcuerdo d’o pleno municipal que ha descatalogau l’antiga vivienda.

Ista asociación entiende que dito alcuerdo ye nulo de pleno dreito por “no haber seguiu en a suya totalidat a normativa vichent y en concreto a Constitución espanyola, a Lei 16/1985 de patrimonio Historico d’Espanya, a Lei 3/1999 de Patrimonio Cultural Aragonés y o Texto refundiu d’a Lei Urbanistica d’Aragón de 2014″.

Antiparte, Apudepa destaca que solament l’acto reglau d’a descatalogación de l’edificio historico por ixe concello permitiría que un “suelo no urbano especial” (propio d’un edificio protechiu) pase por alcuerdo d’o pleno municipal a estar “suelo urbanizable”, o que “nos levaría a o fondo d’a qüestión, a enrona como chustificación d’intreses particulars de caracter especulador arredol d’o suelo urbano”.

En o recurso Apudepa exiche as responsabilidatz que correspondan “en aras a o cumplimiento d’a lei”.

Fuent: http://arainfo.org/2014/11/apudepa-denuncia-el-derribo-de-una-casa-historica-en-fabara/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.