Apudepa denuncia que se son fendo obras en Averly que esboldregan l’interior

Informes tecnicos confirman as obras que, en primeras, negó lo Concello de Zaragoza

Fundición Averly (Foto: Gozarte)

Fundición Averly (Foto: Gozarte)

Apudepa (Asociación d’Acción Publica t’a Esfensa d’o Patrimonio Aragonés) ha tornau a denunciar as obras que se son fendo aintro d’a fabrica Averly, en Zaragoza, que son provocando que s’esboldregue parte de l’interior de l’edificio. O pasau chueves, a entidat denunció debant d’a policía local ixas obras, a tamás de que a propiedat no tien “autorización ta qualsiquier treballo que supose un cambio en a configuración d’o edificios, ya siga interior u exterior”.

Ixa primer denuncia estió negada por o Concello. Manimenos, seguntes os informes d’os tecnicos que inspeccionoron o viernes l’edificio, consultaus por Apudepa, se confirman as obras d’esboldregue interior, que mesmo han plegau a desestabilizar beluna d’as estructuras, calendo bastir beluna d’as naus.

Apudepa ha quiesto remerar que Brial no tien garra licencia t’as obras que se i son fendo y torna a demandar, debant d’istas irregularidatz, que o Concello de Zaragoza ature de camín qualsiquier treballo en Averly que o Gubierno d’Aragón controle lo que ye pasando-ie.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.