APUDEPA desiche a la D.Ch.A. que continen antis con antis as obras d’o Teyatro Fleta

APUDEPA critica o drastrico presupuesto de Cultura y Patrimonio y demanda que se esmienden os presupuestos ta incluyir-ie as obras d'o Fleta

Teyatro Fleta (Foto: Theatres at Risk)

Teyatro Fleta (Foto: Theatres at Risk)

L’Asociación d’Acción Publica t’a Esfensa d’o Patrimonio Aragonés, APUDEPA, s’ha amostrau apenada y carranyada por as parolas d’a Consellera de Cultura en as Cortes d’Aragón chustificando a manca de diners que a Diputación Cheneral d’Aragón somete a lo Teyatro Fleta. APUDEPA demanda a la Consellera que torne a pensar-se a suya posición y a los partius politicos que esmienden en as Cortes os presupuestos ta, entre atras cosas, incluyir-ie as obras d’o teyatro Fleta.

L’asociación ha demandau a la Consellera que ni mezcle ni trafuque os casos de l’Espacio Goya y d’o Teyatro Fleta, porque o primer nomas ye un prochecto no urchent y o segundo una reyalidat enronada que le cal una actuación de camín. O Fleta leva muitas anyadas de retalladas, mesmo en os tiempos d’os presupuestos expansivos, por lo que ye l’inte de apostar por l’edificio. APUDEPA insiste en que o teyatro no aguanta más retrasos y avisa que a situación suya ye critica, porque o “Fleta no aguanta más”.

Antimás, l’Asociación, remera que l’actual equipe de Cultura y Patrimonio Cultural tien una especial responsabilidat con l’edificio en estar ells os promotors d’o prencipie d’as obras que encara no son rematadas.

Fuent: http://arainfo.org/2011/12/apudepa-exige-a-la-dga-la-continuacion-urgente-de-las-obras-del-teatro-fleta/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.