APUDEPA lamenta la destrucción quasi total d’a Casa d’a Canal

L'asociación solicita que s'organicen visitas guiadas ta profesionals "t'amostrar o que no cal fer en patrimonio" .

Frontera d'a Casa d'a Canal. (Foto: wikipedia)

L’Asociación demanda responsabilidatz politicas y que se grieu en una placa en o esperpentico nuevo patio los nombres d’as personas que apreboron o prochecto en a Dirección Cheneral de Patrimonio, a Comisión Provincial de Patrimonio, y a Cherencia d’Urbanismo d’o Concello de Zaragoza.

L’Asociación d’Acción Publica t’a Esfensa d’o Patrimonio Aragonés, APUDEPA, siente gran pesar en viyer convertiu en un estrapalucio lo zaguer gran palacio aragonés de Zaragoza, a Casa d’a Canal. APUDEPA lamenta enormement a suya practica destrucción interior y critica o resultau obteniu, “un mezclallo indecent de pladur con restas patrimonials feitas servir folkloricament. O resultau ye pesimo dende o punto de vista historico, cultural y arquitectonico. A protección de Bien d’Intrés Cultural ha quedau, una vez mas, en papel mullau”, senyalan dende l’Asociación

APUDEPA remera que se mirón con todas as suyas fuerzas d’aturar “ista desgracia”, que alertó d’o desastre a las autoridatz culturals, partius politicos, profesionals y a la sociedat en cheneral pero que no obtenió respuesta. “Una vez mas estió clamoroso lo silencio d’a Universidat”.

Por tot ixo, l’Asociación demanda que s’aprenda d’as errors, más que más de cara a l’actuación en os palacios de Fuenclara, Morata, Epila y Sabinyán, y se concerten visitas a la Casa d’a Canal ta que “os profesionals y os ciudadans saban o que no cal fer en o patrimonio cultural”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.