Apudepa: “Victorino Alonso estió qui dio a orden d’estrafallar a gran Espelunga de Chaves”

Apudepa, mediant a dclaración d'un extreballador d'a interpresa Fimbas, considera prebau que Victorino Alonso dio dreitament a orden d'a destrucción d'a espelunga y supervisó as obras

Estau d'Espelunga Chaves

Estau d’Espelunga Chaves (Foto: Apudepa)

“Dende a primavera de 2007 que sabiemos d’o desastre d’a estrafalla d’a Espelunga de Chaves, que forma parte d’o coto de caza de Bastarás en Uesca, no hemos aturau de recabar información y hemos exerciu de forma sistematica l’acusación particular en quantas testificals ha teniu puesto en o chudgau nº 3 d’a capital altoaragonesa”, sinyala Apudepa en una nota de prensa. Iste lunes, actuó como testigo un antigo treballador d’a interpresa Fimbas, Alejandro Millet, “y gracias a las suyas declaracions somos, por fin, mas amán d’a verdat y ixo ye una buena noticia ta Aragón”, adhibe la nota.

“L’antigo treballador de Fimbas, acompanyau de documentación y dando preba fehacient d’o que diciba, ha deixau claro que l’imputau Victorino Alonso, interpresario vinclau a o carbón y a muitas atras actividatz, yera l’unico chefe y patrón de totz os negocios en a finca d’o coto de Bastarás. Todas as ordens las daba ell y a suya presencia en o coto yera muito mas freqüent d’o que dica agora sabebanos ya que as suyas estancias yeran quan menos mensuals y se prolargaban qualques días, supervisando o coto y as numerosismas obras medioambientals que s’estioron fendo, sin os permisos oportunos, en o primer decenio d’o sieglo XXI”, asevera la nota d’Apudepa.

Ta Apudepa, por a declaración de Millet, “ha quedau claro que Alonso, tamién como amo d’a interpresa Ferpi, ordinaba o treslau d’a maquinaria pesada, emplegada en l’aeropuerto de Monflorite, t’o coto de Bastarás y que estió ell dreitament quí dio a orden d’actuar masivament en a gran Espelunga de Chaves, suposando o treballo ordinau a estrafalla absoluta d’o gran chacimiento d’o neolitico iberico”, o segundo de mayor importancia en o Estau espanyol. “Hemos sabiu que a intervención en a espelunga no se fació en un unico día ni por una sola persona sino que bi intervinioron a lo menos quatro u cinco profesionals y potentismas maquinas. A orden que dio Alonso a o palista estió que os materials removius, totz con repuis arqueolochicos d’o neolitico, isen ta una clamor ta actuar de dique”, apostilla l’asociación.

En iste sentiu Apudepa “se felicita que gracias a o procedimiento chudicial, que tant intensament ye empentando, vaiga surtindo a verdat en relación con un caso tant important relativo a o patrimonio cultural aragonés”.

Fuent: http://arainfo.org/2014/01/apudepa-victorino-alonso-fue-quien-dio-la-orden-de-destruir-la-gran-cueva-de-chaves/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.