Aragón celebra o suyo diya con actos por tot lo país

O 23 d'abril se celebra Sant Chorche, o diya d'Aragón y o diya d'o libro.

cartelAs institucions y o teixiu social aragonés son parando arrienda actos ta celebrar o Diya d’Aragón o venient 23 d’abril, Sant Chorche. Antimás buena cosa de localidatz ferán actos arredol d’o Diya d’o Libro que también se celebra o lunes.
En Zaragoza tres scenarios acullirán actuacions mosicals. De maitins, a Banda d’o Conservatorio Superior de Mosica d’Aragón tanyerá en a Plaza d’o Pilar. A plaza Sant Bruno ufrirá actuacions endrezadas t’a catrinalla y en a Plaza Sant Felipe sonará o folk de Zicután y Trivium Klezmer. De tardi nueit Carmen París y B Vocal, de nuevas en a Plaza d’o Pilar, rematarán os actos d’o diya. A feria d’o libro ubrirá con más de 70 expositors dende as 10 dica las 22.

Os Porches de Galicia de Uesca será o puesto a on que se i ferá a feria d’o libro.  Os pasavillas levarán a mosica t’a ciudat. De maitins dende o Cerro de Sant Chorche, surtirán os Titiriteros deBinefar, acompanyaus  de Pavel Vangeli y Ettiene Favre. De meyodiyas prenerán o relevo a Factoría de Percusión Ciudat de Uesca, deixando a tardi ta Gaiters de Tierra Plana y o ‘Grupo Folklorico San Lorenzo’.

En Teruel, as ixotas protagonizarán o diya d’Aragón. Dos festivals d’ixotas, un ta ninos y un atro d’adultos se celebrarán o lunes. Tamién se ferá una ronda por o patrimonio mudeixar adedicando ixotas a los diferents monumentos. De maitins se soltarán vetiellas en o coso d’a ciudat.

Atras ciudatz y lugars d’Aragón tamién celebrarán iste diya. Ye o caso de Calazeit, que leyerá poemas de Desideri Lombarte, u de Balbastro que ferá una ceremonia de puyada d’o sinyal aragonés acompanyada de l’actuación d’a Colla Folklorica ‘Ciudad deBarbastro’.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.