Aragón, cinquena en os estatals de natación adaptada

Os nadadors aragoneses han superau o numero de metals d'o zaguer anyo


A selección concluyó a suya participación en o Campionato d’Espanya con 36 medallas, 12 mas que en a zaguera edición y en una sobrebuena cinquena plaza. Aragón, d’a man de Teresa Perales y Javier Hernández, superó ampliament as prestacions mas optimistas, que asperaban de plegar dica as trenta medallas, pero nunca superar-las. A incombustible Paz Montserrat y Iván Fernández estioron atros d’os nadadors destacaus.

Deciueito titols estatals, a clasificación de Teresa Perales ta os Chuegos Paralímpicos y a confirmación de Javier Henández como firme candidato ta acudir con a selección espanyola ta la cita de Londres sostienen o magnifico resultau d’os aragoneses en o Campionato de Castellón. Como conseqüencia d’as excelents actuacions individuals, l’equipe aragonés, componiu en a suya mayoría por integrants d’Aragua, obtenió a cinquena plaza, un puesto millor por alto d’a edición 2011 celebrada en Málaga.

Dimpués d’as 23 medallas logradas en a chornada d’o sabado, a clausura teneba encara tretze mas t’os aragoneses. Perales, Montserrat y Nuria Embid adhibiban dos titols mas cadaguna a o suyo palmarés, mientres en categoría masculina, Iván Fernández y Javier Hernández ganaban cinco metals mas, un oro y un archent t’o primer y un oro y dos archents t’o segundo. A resta de premios los aconseguiban os chovens Diego Batuecas y María Delgado, con una plata y un bronze, respectivament.

Unatra oportunidat ta Hernández

A gran expectación d’a chornada matinal d’o domingo, amás de comprebar si Aragón manteneba l’excelent ran d’o diya anterior, yera en saber si Javier Hernández aconseguiría a minima B ta Londres en os 50 espalda. Nomás li faltoron 70 centesimas. O nadador de *Aragua no ha tresbatiu encara todas as suyas opcions. Tendrá una mas ista semana venient en o Torneo Internacional CAI d’o Stadium Casablanca en Zaragoza an que tornará a disputar os 50 espalda, y tamién os 150 estilos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.