Aragón, contra la violencia masclista

Puyan as denuncias por maltracto contra as mullers, encara que se valura como que as mullers son prenendo conciencia

Tot o pais s’adhibe hue a la chornada entrenacional contra la violencia masclista. O Diya contra a violencia de chenero se celebra en ista calendata ta recordar l’asesinato d’as chirmanas Mirabal, tres activistas feministas asasinadas en 1960 a mans d’a policía secreta d’o dictador Trujillo, en a República Dominicana.

Seguntes os datos de l’Instituto d’a Muller, han puyau as denuncias mientres o primer trimestre de l’anyo, asinas como as ordens de protección que han creixiu dica 341.

A Directora de l’IAM, Pilar Argente ha quiesto dar o perfil d’a victima d’o maltracto machista, que corresponde con o d’una muller entre 31 y 50 anyos que vive en l’ambito urbano. En o 41% d’as ocasions lo reyaliza a ex-parella, mientres que en o 58% o maltrato se produz dentro d’a unidat familiar.

Encara que Pilar Argente, por a suya experiencia profesional como docent percibe que en as escuelas i hai acoso y brotes de masclismo, encara no se disposa de datos sobre o numero de chovens que son agredidas.

A valoración d’os datos que fa a Directora, en un anyo en que, igual que o pasau estioron asasinadas 2 mullers en Aragón ye positiva porque i hai menos victimas y mas denuncias.

Mientres tot o diya y d’o norte a o sur d’o pais, partius, sindicatos, institucions, asociacions…fan actos contra la violencia contra la muller, como veiladas, charradas, obras de teyatro. Como novedat, iste anyo, o colectivo feminista A Clau Roya, presenta a suya guida contra la violencia masclista, con as senyals que as mullers más que más as chovens, pueden trobar d’a violencia fisica o sicolochica contra ellas.

Campanya d’a policia ta animar a denunciar o maltracto

Dende Tuenti, Twitter, u Youtube, a Policia Nacional espanyola ha prencipiau a campanya “Denuncialo” ta concienciar as mullers d’a necesidat de denunciar os casos de maltracto de tot tipo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.