Aragón en a carrera contra as retalladas y o gubierno espanyol

Os ciudadans amuestran en a carrera o suyo refés t'as zaguers midas economicas

Manifestación de Zaragoza (Foto: Primo)

Manifestación de Zaragoza (Foto: Primo)

Cientos de mils de personas salioron ahiere t’a carrera en os principals lugars y ciudatz d’Aragón en manifestacions contra as zaguers retalladas que anunción lo gubierno espanyol a semana pasada. Istos actos estioron convocaus por os sindicatos y por muitas organizacions socials. Tamién i estioron bien presents as ‘Mareas’, como a verda d’a educación u a blanca d’a sanidat, y treballadors con toda mena de conflictos socio laborals.

As manifestacions son una respuesta a las zaguers midas presas por o gubierno espanyol, como as puyadas de bells impuestos como l’IVA y a baixada d’as prestacions por ature, retalladas en os chornals d’o funcionariau y asinas asinas.

A mas gran d’istas manifestacions se vivió en Zaragoza a on que se arrocloron bellas 100.000 personas. Dende a Plaza Paraíso dica a Plaza Europa tot estió pleno de chent reivindicando os suyos dreitos y protestando contra as zaguers midas d’o gubierno espanyol. A manifestación plegó en a suya fin a las diez coladas leyendo-se un manifiesto en a Plaza Europa de man de representants de sindicatos como UGT y CCOO. Tamién en a siede d’o Gubierno d’Aragón, un bloque critico, a on que yeran representants de atros sindicatos, d’o 15M u a plataforma Stop Desahucios entre atras organizacions, se leyó un manifiesto alternativo a l’oficial.En Uesca bellas 10.000 personas facioron o recorriu dende a Plaza Navarra dica la Plaza Cervantes, entre que en Teruel en estioron bells 5.000 os manifestants. Tamién bi habió manifestacions en atros lugars como Exeya, Chaca, Alcanyiz, Caspe, Samianigo, Sarinyena, Balbastro, Monzón, …

En totz os actos se viyoron dende reivindicacions chenerals como a demanda d’un referendum u mesmo d’eleccions dica as más concretas u locals, como as de bells lugars u interpresas en crisi.  Dende os sindicatos y atras organizacions y movimientos ya anuncioron que as movilizacions continarían y anuncioron una gran manifestacion estatal en Madrid ta dimpués d’o verano, entre atras midas.

 

Bellas pancartas d'o bloque critico

Bellas pancartas d’o bloque critico

Manifestación en Zaragoza (Foto: El ventano)

Manifestación en Zaragoza (Foto: El ventano)

 

 

Leyendo o manifiesto d'o Bloque critico en Zaragoza

Leyendo o manifiesto d’o Bloque critico en Zaragoza

Os bombers se i facioron bien visteros

Os bombers se i facioron bien visteros

 

 

Plataforma contra os desahucios

Plataforma contra os desahucios

 

 

 

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.