Aragón entre as rechions europeyas en o punto de mira de Standard&Poor’s

Tamién revisa quantas entidatz europeyas, entre ellas Ibercaja

A un diya d’a cumbre europeya que puede marcar o camin d’una nueva Union Europeya, l’achencia de calificacion S&P ha feito saper que ye revisando a calificación de tota la zona euro, y en especial de 30 rechions d’a Unión Europeya, entre as qualas ye Aragón.

A revision s’enmarca, amás, d’una revision conchunta d’a economia de Espanya, y tamien afectaria a Galicia, Canarias, Madrid, Andalucia, Euskadi y Navarra.

L’achencia explica que iste proceso de revisión ye una muestra d’a suya preocupación por o potencial impacto sobre a capacidat d’o servicio de deuda d’as economías soberanas y por tanto tamién d’a UE, que tendría l’actual contexto de fundos problemas politicos, financiers y monetarios dentro d’a unión monetaria.

Standard & Poor’s tamién ha abanzau iste mierques que planea baixar a calificación de quantos bancos importants en a zona de l’euro. Entre as entidatz que seran revisadas en o suyo rating estará l’aragonesa Ibercaja. O rating bancario d’Ibercaja y d’atras entidatz como Santander, Banesto, Sabadell, Bankia u la Caixa, penderá d’o rating cheneral espanyol que ye en tramites de tornar a baixar, seguntes ista achencia

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.