Aragón fa record de transplantes renals con donant vivo

S'han ganau quasi 1500 anyadas de vida gracias a os 121 trasplantes de organos feitos

doctorsAragón puede tornar a fer-se contento cuanto a transplantes”. Ixe ye o mensache que han transmitiu en a presentación feita iste martes de man d’a Organización Nacional de Transplantes. Seguntes os suyos datos, en Aragón, a donación de rinyons permitió fer 14 transplantes, lo que suposa un creiximiento d’o 12% sobre o numer de transplantes que se facioron en l’anyo pasau.

Mientres ista anyada Aragón ha participau en o Programa de Transplante Renal con Donant Vivo en a modalidat de Transplante Cruzau, lo que permitió fer dos transplantes renals con donant vivo procedent d’atro territorio, enta do que se ninvioron dos rinyons donaus y quitaus en Zaragoza.

En os hespitals aragoneses, bi ha habiu 43 donants calavre, d’a on que se consiguioron 110 organos validos ta transplantes. Iste numer fa plegar en una cifra de 32,4 donants por millón d’habitants, muito por dencima d’o numer de donants d’a resta de paises d’o mundo. Con tot y con ixo encara contina habendo un 11% de familias que se niegan a donar os organos d’o calavre.

Tamién s’ha quiesto que se parase cuenta en a “magnifica respuesta d’os aragoneses cuanto a lo Plan Nacional de Donación de Miollo Osio, habendo-se feito 653 nuevos donants mientres l’anyo pasau.

Ta estianyo, o departamento de Sanidat, Bienestar Social y Familia marca como obchectivos en ista aria la posibilidat d’a donación dimpués de producir-se a muerte por aturar-se o corazón. Chunto a ista vía de millora d’a donación, se continará ufrindo a donación renal de vivo de traza sistematica a totz os pacients que puedan beneficiar-se d’ista modalidat teapeutica.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.