Aragón insemiso, un portal dichital ta refirmar a edición d’un libro y un DVD sobre a insemisión

O colectivo demanda l'aduya d'a sociedat ta fer memoria d'ixos diyas de rebeldia chovenil contra o servicio militar obligatorio

Ya ye en o rete Aragón Insumiso, un portal dichital empentau por una colla de presonas que tienen a intinción de editar un DVD y un libro sobre as historias d’os chovens aragoneses que se declaroron insemisos a o servicio militar, que levó a bells quantos d’ells a pasar por as garcholas espanyolas. L’obchectivo d’o portal ye espardir a iniciativa que en un primer trango se centra, precisament, en istos chovens que pasoron por as garcholas.

Dende o colectivo se diz que a intinción ye “amás de contribuyir a la recuperación d’a memoria politica recient, fer d’inspiración ta os movimientos de desobediencia civil que en son amaneixendo”. En os boletins que ya en son penchaus, o colectivo demanda a colaboración d’a sociedat ta fer memorias d’ixos diyas, compartindo pegallos, chambretas, cartells, fotos y vivencias d’ixos diyas de rebelion chovenil contra o servicio militar obligatorio y a PSS y que a la fin, levó enta la fin d’o sistema de reclutamiento obligatorio en l’exercito espanyol.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.