Aragón organizará 132 ferias oficials en 2013

Aragón tien 41 ferias más que'n teneba en 2005.

Feria d'o Libro de Zaragoza (Foto: D.Ch.A.)

Feria d’o Libro de Zaragoza (Foto: D.Ch.A.)

Aragón tendrá mientres o 2013 un total de 132 ferias oficials, seguntes ha publicau o BOA. A istas cal adhibir-ne ueito más consideradas como manifestacions ferials, fundamentalment certamens infantil y socioculturals de caracter no comercial.

Istos 132 eventos – 44 en a provincia de Zaragoza, 48 en a de Uesca y 40 en a de Teruel – son 41 más que no en 2005, asinas que, seguntes parolas d’o gubierno d’Aragón “l’actividat ferial s’ha manteniu en Aragón y mesmo s’ha puyau mientres as zaguers anyadas, como contrimuestra o feito de que o numer de ferias haiga puyau”.

O calendario de Ferias y Exposicions Oficials d’Aragón se puet consultar en a web institucional www.aragon.es/ferias. Antimás bi ha 49 certamens que ista anyada no se celebran, estando en a suya más gran parti bianyals.

Aduyas a PYMES

O Departamento d’Industria y Innovación convocó iste lunes a traviés d’o BOA, aduyas ta l’asistencia de chicotas y meyanas interpresas aragonesas como expositors ta ferias de caracter internacional. Ista convocatoria ye relacionada con o plan estratechico d’aduyas d’o Departamento, que en da ta refirmara las PYMES aragonesas t’amillorar a suya capacidat de chestión y a eficacia d’a suya actividat exportadera, asinas como a prochección y promoción exterior d’a interpresa.

O presupuesto total previsto ta ista convocatoria ye de 300.000 euros y se considera actuación subvencionable a participación como expositor en ferias comercials celebradas en 2012 y 2013 difuera d’o territorio de l’Estau espanyol u aintro si tienen reconoixiu oficialment o caracer internacional. Pueden solicitar-las chicotas y meyanas interpresas que tiengan o suyo domicilio fiscal en Aragón y que i desemboliquen bella actividat interpresarial. O plazo ta demandar-las remata o 15 de marzo.

D’atra man, iste mesmo Departamento publicará a convocatoria d’aduyas ta refirmar l’asistencia ta ferias d’as interpresas, en iste caso como visitants y ta participar en misions comercials.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.