Aragón por dencima d’a meya estatal en trasplante d’organos

Mientras o pasau 2011 en os hespitals aragoneses se fación 48 donacións, un 20% más que en 2010.

Aragón se situga por dencima d’a meya estatal en quanto a trasplantes d’organos. Y ye que, mientras o pasau 2011, en os hespitals aragoneses se fación 48 donacións, un 20% más que en 2010. D’ellos, s’obtenión 137 validos ta trasplante. Asinas, Aragón contó con 35,65 donantes por millón de población, frent a os 35,3 que se rechistrón de meya a nivel estatal. A más, habió siet donants vivos de rinyón. En total 55 donants d’organos solidos, lo que permitió fer 111 trasplantes. As 48 donacións d’organos se desenvolicón en os hespitals autorizaus ta tal actividat en Aragón.

D’ista traza, en l’Hespital Universitaire Miguel Servet se fación 27 donacións multiorganicas, en l’Hespital Clinico Lozano Blesa catortze, en l’Hespital Royo Villanova cinco, en l’Hespital San Chorche un y tamién un en l’Hespital Obispo Polanco. Dende o Consello de Sanidat, Bienestar Social y Familia s’ha destacau que o Royo Villanova obtenió cinco donacións efectivas d’organos y techius, o que suposa un record dende que prencipió a suya actividat.

Sobre o transplante renal, mientres l’atro anyo se fación en l’Hespital Universitaire Miguel Servet de Zaragoza un total de 74 trasplantes renals. D’ellos, 67 con donant cadavre, un 10% más que en 2010, plegando-se en a cifra más altera de trasplante renal dende l’empecipie d’o programa en l’anyo 1986. En l’actualidat leva feitos más de 1.200 trasplantes. A más, se produción siet trasplantes renals con donant vivo relacionau, o que suposa o 9,5% de totz os trasplantes renals feitos en Aragón. Ista cifra ye a mayor alcanzada en iste programa, concretament un 57% más que en 2009. En totz istos trasplantes a extracción d’o rinyón donau se fació mediante tecnicas de ciruchía laparoscopica, o que acurta sensiblement o periodo d’estancia hespitalaria d’o donant y reduz a o minimo as molestias y riscos d’a donación renal en vivo.

L’equipo de trasplante hepatico en l’Hespital Clinico Universitaire Lozano Blesa de Zaragoza, fació 30 trasplantes mientras l’anyo. Contina estando d’os programas con menor tiempo en a lista d’aspera d’o mundo. A diya de hué, en os suyos poco más de dotze anyos d’actividat leva feitos un total de 416 trasplantes.

O programa Trasplante Cardiaco precipió a funcionar en l’hespital Universitaire Miguel Servet en 2000. En o pasau anyo 2011 se celebró a reyalización d’o trasplante numero cient, habendo reyalizau en l’actualidat un total de 105 trasplantes. Mientras l’anyo 2011 se fación siet trasplantes.

Fuent: http://www.comarcas.es/index.php/mod.noticias/mem.detalle/idnoticia.6607/relcategoria./chk.3318c776eef09dde48dc4638a8783624.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.