Aragón prene as carreras contra os retalles

Bi ha concentracións convocadas ta hue por tot Aragón.

(Foto: Primo Romero)

Asabelos colectivos aragoneses convocan hue, chueves 19 de chulio, una chornada de reivindicación y luita en tot o país, dada a gravedat d’os retalles socials, involución centralista, desmantelamiento de dreitos d’a sociedat d’o buenpasar y de servicios publicos, sin antecedents historicos, que os Gubiernos d’Aragón y d’o Estau espanyol son propinando a la clase obrera. Iste orden de cosetas requiere una acción conchunta, solidaria d’a clase obrera.

Entre convocants y adhesions trobamos a las Asambleyas de vicos, as distintas Mareas, a os sindicatos combativos y de clase, organizacions politicas anticapitalistas y independentistas y personas d’o 15M.

S’han convocau manifestacións en diferents lugars d’Aragón:

– Zaragoza: Concentración de Marea Narancha a las 19.00 horas en a Plaza d’Espanya. A las 20.00 horas concentración d’o Bloque Critico en o edificio Paraninfo y salida d’a manifestación a las 20.30 horas dica a Plaza d’Europa.

– Uesca: Concentración a las 20.00 horas en a Plaza de Navarra y manifestación a las 20.30 horas.

– Teruel: Manifestación a las 20.30 horas dende a Plaza d’a Seu.

– Exea: Manifestación 20.30 horas en a Plaza d’o Concello.

– Casp: Manifestación 20.30 horas en a Plaza d’Aragón, dica a Plaza d’Espanya.

– Samianigo: Concentración a las 20:30 horas en a Plaza d’o Molino.

– Chaca: Concentración a las 20.30 horas. En a Plaza de Biscós.

– Balbastro: A las 20.30 horas salida d’a manifestación dende Plaza Aragón.

– Monzón: Manifestación a las 20.00 horas. Dende a Plaza d’a Mosica dica a Plaza Mayor.

– Alcanyiz: Manifestación a las 20.30 horas. Dende a Plaza d’Espanya.

Fuent: http://arainfo.org/2012/07/aragon-no-se-calla-toma-la-calle-contra-los-recortes/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.