Aragón present en a Feria Internacional de Fruitas y Hortalicias de Berlín

Aragón participa, por seiseno anyo contino, en a Feria Internacional de Fruitas y Verduras de Berlín, Fruit Logistic 2012, o certamen lider mundial d'o comercio de fruita fresca.

O Departamento d’Agricultura, Ganadería y Meyo Ambient asiste a ista trobada que s’engueró ahiere con un stand de 130 metros quadraus en o qual son representadas 33 interpresas aragonesas productoras de fruitas y hortalicias.

Imachen d'o stand d'Aragón en a Feria. (Foto: aragonhoy.net)con un stand de 130 metros quadraus en o qual son representadas 33 interpresas aragonesas productoras de fruitas y hortalicias.

O Director Cheneral d’Alimentación y Empente Agroalimentario, Luis Miguel Albarrán, visitó ahiere a feria y mantenió una trobada con as interpresas aragonesas presents. Entre as interpresas asistents, amás de particulars, se troba o Consello Regulador d’a Denominación d’Orichen Presiego de Calanda y as integrants en l’asociación Excofrut. Albarrán aprofitó a trobada ta transmitir a necesidat de creyar un plan estratechico de l’agroindustria en Aragón, como un d’os obchectivos prioritarios que tiene o departamento. “Buscamos as millors aportacions d’o sector ta fer y empentar o millor plan estratechico d’a nuestra agroindustria, que tiene un gran potencial”, ha asegurau.

Fruit Logistic ye a feria lider mundial d’o comercio de fruita fresca y hortalicia, y en a suya 19 edición s’ha convertiu ya en o prencipal puesto de trobada t’a industria, o comercio y fuent de nuevas ideyas. Iste evento presienta toda a cadena de suministro de fruitas y verduras, y proporciona una visión global d’o mercau, nuevos productos y tecnolochías, asinas como innombrables oportunidatz ta contactos comercials internacionals.

Fuent: http://www.aragonhoy.net/index.php/mod.noticias/mem.detalle/area.1056/id.109388

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.