Aragón replegaría quasi 38 millons d’euros si aplicase o Impuesto de Patrimonio

A mida aprebada por o Consello de Ministros, afectaría a 6700 aragoneses con rentas superiors a 700.000 euros, seguntes o Sendicato de tecnicos d’o Ministerio de Ficienda (Gestha).

O debandito sendicato, antimás, fació un clamamiento a Aragón ta que no renuncie a iste tributo “chusto y equitativo” que permitirá gravar as rentas más alteras que,en muitos casos,s’eslampan d’o control d’o Fisco. Seguntes ells, l’aplicación de bonificacions suposaría renunciar a unos ingresos vitals ta achiquir o deficit aragonés y a o reparto solidario d’as cargas fiscals

D’os 6.700 aragoneses que, seguntes os calculos de Gestha,habrán de declarar iste Impuesto de Patrimonio, bells 2800 tienen una fortuna de entre 700.000 y un millón d’euros. 3.100 poseyen entre uno y dos millons y meyo d’euros. 590 contan con entre 2,5 y 5 millons d’euros; 168 entre 5 y 10 millons y o patrimonio de bells 70 plega a más de 10 millons d’euros.

O sendicato creye que iste impuesto ye una “vía optima d’ingresos ta l’Estau” y tamién un d’os alazetz que cal ta cumplir con o prencipio de chusticia redistributiva fiscal. Antimás no creyen que pueda haber-ie una fuyida de capitals difuera d’Espanya, en aplicar-se lo impuesto a la fortuna mundial.

 

2 Rispuestas a Aragón replegaría quasi 38 millons d’euros si aplicase o Impuesto de Patrimonio

  1. Cal replecar ixos diners, ya ye ora de que os ricachons bosen. Parabiens por a vuestra contribuzión a l´aragonés. Esprisions.

  2. JAVIER ESPLIGARES

    Ye curioso porque en un mapa visto en AVUI, o diario catalán, rechions como Andalucía que tienen 8 millons d’habitants solament tienen bella cosa pero d’o doble que nusatros Ye raro, no?

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.