Aragón se cilebra hue

O gubierno d'Aragón saca tot caracter politico a lo diya nacional d'Aragón

Bandera d'Aragón d'o sieglo XIII

Bandera d’Aragón d’o sieglo XIII

Aragón cilebra hue o suyo diya nacional con un perfil institucional baixo, luen d’as reivindicacions d’atros anyos y seguntes una enqüesta de l’Heraldo con o voto aragonesista más baixo de tota la historia. Amás, os datos de l’INE amuestran a baixada de población, que deixa o risultau de 1.324.802 aragonesas y aragoneses vivindo en o país. En l’ambient de recentralización politica marcau dende Madrid, o gubierno ha decidiu siguir o camín d’o conformismo devant d’as imposicions fendo bueno o paper de “servidor d’Espanya”. De feito, sisquiá a pachina web d’o gubierno ha feito una versión propia ta iste diya nacional, y nomás que mete una imachen con actos culturals ta un diya que tradicionalment heba siu de reivindicación aragonesista.

En iste ambient, os partius d’ambito aragonés, cilebran o diya con actos politicos d’homenache a la bandera d’Aragón, como fa CHA, con un manifiesto en que se clama a “tener un paper principal en Espanya” y criticando as aspiracions soberanistas d’atros territorios como Catalunya, cosa que fa o PAR u, como Puyalón, a cucha independentista, en un acto central en Zaragoza reivindicando a plena sobirania d’o país ta adhibir-se con atros pueblos, fuera d’a tutela d’Espanya, y adhibir-se a una nueva Europa luen d’os dictaus d’o capital.

Dende Arredol queremos deseyar-tos un buen diya nacional d’Aragón y que l’esprito de totz os que mos han precediu en o camín de ser aragoneses mos aduye a continar en a endrecera d’iste país milenario con tres luengas y sieglos d’historia que han de continar entabant.

Buen diya nacional d’Aragón!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.