Aragón se queda sin información sobre a calidat de l’aire

A web que informaba en tiempo real sobre a calidat de l'aire y as cantidatz de contaminants no funciona dende primers d'agosto

Zaragoza, dende l'aire (Foto: Wikipedia)

Zaragoza, dende l’aire (Foto: Wikipedia)

Ecologistas en Acción ha demandau a lo Gubierno d’Aragón que explique publicament as razons por que a web de “aragonaire”, que informaba en tiempo real sobre os libels de contaminación atmosferica en Aragón, ha deixau de funcionar dende o diya 1 d’agosto.

Dende l’anyo 2009 a web www.aragonaire.es proporcionaba automaticament información sobre os datos de contaminación suministrada por a RRICAA (Rete Rechional de Inmisión de Contaminants Atmosfericos d’Aragón), rete publico con seis estacions fixas de control d’a calidat de l’aire por toda la cheografía aragonesa, Alagón, Burcharaliz, Uesca, Monzón, Teruel y Torrelisa). Manimenos dende primers d’agosto, d’una traza de mal chustificar, a web ha deixau de funcionar, privando asinas a los aragoneses d’informar-se de traza eficaz sobre a calidat de l’aire por cada diya.

“En no funcionar a web www.aragonaire.es a sola traza d’acceder a os datos sobre a calidat de l’aire ye a traviés de demandas por escrito a lo Departamento d’Agricultura, Ganadería y Medio Ambient, sistema pleno d’entrepuces y poco eficient con que nomás se consigue recibir información d’os episodios de contaminación en o pasau, quan ya ha pasau lo pico de contaminacióny ye masiau tarde ta que os ciudadans puedan prener midas d’autoprotección, tal como pasa, por eixemplo, en os freqüents diyas d’estiu que bi ha contaminación por ozono troposferico”, informa Ecologistas en Acción.

“O Gubierno d’Aragón tien a obligación moral y legal de facilitar de tot la información, en tiempo present, d’os livels diyarios de contaminación de l’aire y por ixo Ecologistas en Acción demanda a lo gubierno aragonés que restituye de camín o servicio d’a web “aragonaire”, web que no nomás ha de suministrar os datos d’a RRICAA sino que antimás, cosa no feita dica agora, ha de facilitar automaticament os datos d’as estacions de control movils que tien o Departamento de Medio Ambient y os datos que as estacions de control d’as centrals termicas aragonesas han de suministrar telematicament a l’Administración Publica, tal como consta en os condicionaus de cadaguna d’as suyas autorizacions ambientals”.

Fuent: http://arainfo.org/2014/08/aragon-se-queda-sin-informacion-sobre-la-calidad-del-aire/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.