Aragón tendrá 13 obriduras en festivo mientres 2013

O Gubierno d'Aragón ha decidiu d'acceptar a proposa d'o Concello de Zaragoza y ha declarau a zona d'o Casco Historico como 'zona de gran afluyencia turistica' ta liberalizar de raso os horarios comercials en ista parte d'a capital aragonesa

Aragon_podra_abrir_sus_comercios_13_festivos_en_2013_50061A traviés d’un Decreto-lei, o Gubierno d’Aragón ha modificau a normativa comercial tanto d’horarios y d’obriduras en festivo ta, seguntes han asegurau, adaptar a lei aragonesa a la que se fa servir a día de hue a ran nacional. Ye dicir: o Consello de Gubierno ha decidiu decretar 11 obriduras comercials en festivos a lo largo de 2013 y, antiparti, acceptar a proposa d’o Concello de Zaragoza y decretar a zona d’o Casco Historico como ‘zona de gran afluyencia turistica’ ta que os suyos comercios tiengan libertat d’horarios.

De feito, un d’os festivos ya s’ha consumiu -o pasau 7 de chinero, y agora quedan atros 12 días ta poder realizar compras en ista mena de chornadas: iste mesmo mes de chinero s’ubrirá o día 13 y, en meses posteriors, o 3 de febrero, 7 d’abril, 5 de mayo, 7 de chulio, 1 de setiembre y 1, 8, 15 y 22 d’aviento. Os Concellos podrán, ta tot o comercio ubicau en o suyo termin municipal, substituyir dica dos d’os domingos y festivos d’obridura autorizada ta 2013, siempre que lo comuniquen a la Dirección Cheneral de Comercio y Artesanía d’o Gubierno d’Aragón en un plazo de 15 días habils dende a publicación d’a oportuna Orden y que lo faigan publico, aseguran dende o Gubierno d’Aragón.

Ta Arturo Aliaga, consellero aragonés d’Industria y Innovación, istos cambeos normativos respectan “a lei estatal” y “conchugan os intreses d’os consumidors, os d’os distintos formatos, l’equilibrio territorial y a conciliación d’a vida laboral y familiar, sin perchuicio una vegada mas d’o disposau t’os que tienen rechimen especial d’horarios”. Seguntes ha revelau, a decisión de l’Executivo aragonés ha plegau una vegada que s’heba ascuitau “a tot o sector y atendendo de traza prioritaria a l’atractivo comercial de ditos días t’os consumidors seguntes criterios”.

En o caso d’a capital aragonesa, finalment s’ha aprebau como zona de gran afluyencia a que ha estau siempre a opción preferida por os ciudadanos: o Casco Historico. Tal como indican as mesmas fuents, ista zona será concretament “l’aria perteneixient a o Casco Historico y comprendida entre as carreras Avenida César Augusto, Paseu Echegaray y C/ Coso, incluyendo-se-ie totz dos costaus d’as ceras”. 

Fuent: http://www.aragon2.net/n-20460-2-Aragon_tendra_13_aperturas_festivo_durante_2013

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.