Aragón tendría un deficit de 943 millons d’euros

L'auditoria encargada por o gubierno detecta grieus desachustes y aconsella fer decisions

O conseller Garcés fendo publica l'auditoria

O conseller Garcés fendo publica l'auditoria

L’auditoria encargada por o gubierno ha detectau grieus desachustes que, seguntes o conseller de Ficienda, “obligan a fer decisions mas luego que no tardi”.

L’informe, que ye dica chunio d’iste anyo, pero con previsions dica cabo d’anyo, ha presentau un balance deficitario de 943 millons d’euros. O conseller Garcés ya ha adebantau que l’anyo venient se retallarán bellas partidas no esencials, como ya se ye fendo en cultura u i+D y mesmo s’habrán de planteyar midas como conchelar o sueldo d’os funcionarios.

O sector publico interpresarial ocupa una gran parti de l’informe. Sociedatz como la Cartv, que huei presentaba as suyas linias alacetals en as Cortz, Pla-Za, u Expo Zaragoza Empresarial, Sirasa u Sodemasa, presentan risques ta o gubierno.

O conseller Garcés ha dito que l’auditoria charra de liquidar bellas d’istas sociedatz, y en un plazo de dos semanas, o gubierno ferá un informe de como quedará o sector publico interpresarial. Por eixemplo, Zaragoza Alta Velocidat tien un deficit de 485 millons, Pla-Za de 113 millons y Expo Zaragoza Empresarial de 132 millons d’euros. D’istas dos zagueras, amás, Garcés ha destacau que l’executiu ha de fer frent a obligacions futuras, sinyadas fuera d’o consello d’o Gubierno de manera irregular, seguntes ha denunciau.

Tamíen s’han detectau 47 millons d’euros en facturas no bosadas y no imputables en os presupuestos.

Informe Completo: Auditoria d’a intervención cheneral (castellán, 1 MB, PDF)

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.