Aragón y Castiella – La Mancha sinyan un alcuerdo ta fer servir os equipamientos sanitarios d’as suyas mugas

Os lugars d'a muga podrán fer servir os equipamientos sanitarios que tiengan más amán sin problemas churidicos

Sinyatura d'o convenio (Foto: D.Ch.A.)

Sinyatura d’o convenio (Foto: D.Ch.A.)

O conseller de Sanidat Ricardo Oliván y o suyo homologo en Castiella – La Mancha, Jose Ignacio Echániz, plegoron iste lunes en un alcuerdo ta fer servir os equipamientos sanitarios de man d’os ciudadans d’os dos territorios que viven en lugars amanaus t’a muga.

O convenio estable que os ciudadans de totz dos territorios podrán estar atendius en l’atro con toda a seguridat churidica que calga. Se guarancia asinas que os ciudadans d’istas redoladas puedan tener asistencia sanitaria d’Atención Primaria y Especializada en o centro hespitalario más amanau y accesible dende casa suya, independientement d’o país.

Coordinación de 061 y 112

Antimás, en a sinyatura d’o convenio se ha explicau que tamién se bi incluyen atras accions endrezadas a ixamplar a calidat asistencial t’o pacient. Castiella – La Mancha y Aragón ya son colaborando en urchencias y emerchencias con os recursos más adequaus t’a mena d’incident y disposables en cada inte; t aixo, “a comunicación entre o 061 de Aragón y o 112 de Castiella – La Mancha será perén y fluyida”, han declarau.

Os titulars de Sanidat han aclariu que con a enchaquia de dar continidat a las materias obchecto d’o present convenio s’ha creyau una Comisión de Coordinación que ferá un seguimiento d’o mesmo. Ista comisión será formada por dos representants d’Aragón y dos de Castiella – La Mancha.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.