Arán quiere decidir o suyo futuro si Catalunya esdeviene en un estau independent

O Consello Cheneral ha aprebau una moción que reivindica o suyo dreito de decidir

O Consello Cheneral d’Aran ha aprebau hue una moción ta reivindicar o dreito de decidir d’o pueblo aranés ta votar a suya relación con Catalunya si esdeviene en un estau libre. Seguntes informa o Consello, a moción no qüestiona a pertenencia actual d’a Val d’Arán en Catalunya, soque esfiende a necesidat d’os araneses de decidir o suyo estatus si Catalunya emprende un ‘nuevo camín nacional’.

Empentada por Unitat d’Arán y aprebada por unanimidat, o texto, titulau ‘Moción a favor d’o dreito de decidir d’o pueblo aranés’, reclama a las institucions catalanas que paren cuenta en ‘a voz propia d’Arán como pueblo diferenciau y territorio historico’.

O dreito de decidir d’os araneses s’exercerá de forma ‘libre, democratica y pactada’, y reside en o pueblo aranés, como sucheto politico y comunidat con un caracter nacional, cultura, luenga y institucions propias.

L’articlo 11 de l’estatuto de Catalunya reconoixe a la Val d’Arán como ‘entidat territorial singular’ y estableixe que será obchecto d’especial protección con un rechimen churidico especial.

Fuent: http://www.vilaweb.cat/noticia/4051251/20121029/laran-vol-decidir-futur-catalunya-esdeve-independent.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.