Arandiga celebra a suya tretzena Trobada por a Cultura Aragonesa

L'Asociación Cultural O Trinquete torna a realizar ista trobada que tendrá a la naturaleza y o medio ambient como tema central. Tamién i habrá conciertos

ACOT 13 TROBADA CARTELIste sabado 31 se celebrará en a localidat d’Arandiga a 13ª edición d’a Trobada por a Cultura Aragonesa que todas as anyadas organiza l’Asociación Cultural O Trinquete d’a localidat. En ista edición a naturaleza y o medio ambient serán o tema central.

A chornada empecipiará a las 9 d’o maitín con una ruta botanica por a ribera de l’Aranda, guidada por Alfredo Martínez Cabeza, divulgador medioambiental. Dimpués, a las 12:30 h. se realizará a charrada “Fracking, a nueva menaza en o subsuelo“, que tendrá de ponent a David Félez Sola, secretaire de sostenibilidat y medio ambient de Chunta Aragonesista. Tot rematando, a las 13:30 h. se ferá un socalce y se prochectará”Tierra, a pelicula d’a nuestra planeta“. De tardes, a las 18 h. continará a programación d’a trobada con una charrada-prochección a cargo unatra vegada d’o divulgador medioambiental Alfredo Martínez Cabeza, “Plantas utils d’a redolada“.

Ya deixando a un costau a parte mas divulgativa, rematando a tarde, a las 20 h. se ferá o concierto d’o cantautor Juan Caballero. A las 22:30 h. Ixera Companya Almugavar realizará un pasavillas nocturno por as carreras d’Arandiga, y ya en a medianueit será o momento d’os conciertos de Prau y Groben, y o DJ CrazyBusiness.

As charradas, procheccions y conciertos se ferán en o local de l’Asociación Cultural O Trinquete.

Una rispuesta a Arandiga celebra a suya tretzena Trobada por a Cultura Aragonesa

  1. Pingback: Arandiga celebra a suya tretzena Trobada por a Cultura Aragonesa | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.