Archentina renacionaliza YPF, propiedat d’a multinacional espanyola Repsol

YPF se privatizó en 1998 y a l'anyo siguient, estió mercada por Repsol

La presidenta archentina, Cristina Fernández Kirchner

La presidenta archentina, Cristina Fernández Kirchner

A presidenta archentina, Cristina Fernández Kirchner, ha anunciau hue que ninviará a o suyo Congreso a lei de renacionalización d’o 51% d’a petrolera YPF, antis publica, y que estió mercada por a multinacional espanyola Repsol en 1999. D’as aiccions expropiadas, o 51% irá adedicau a l’arcas de l’estau archentino, y a resta, a las d’as provincias d’an que se quita o petrolio.

Fernández Kirchner ha chustificau a decisión porque Archentina “ye un d’os pocos paises d’o mundo que no autochestiona os suyos recursos naturals”. Unatra chustificación d’a presidenta archentina ha estau que a petrolera no ha feito as inversions que s’amenistaban y que Archentina li reclamaba. Ha contimparau a curva de desinversión de Repsol YPF a “una trompa d’elefant”, fendo referencia a la cacera d’o rei d’Espanya, Chuan Carlos I.

As aiccions de Repsol YPF han cayiu en os mercaus d’a bolsa (quasi un 20% en Nueva York, por eixemplo). Por l’inte, no s’ha produciu garra comunicación d’o gubierno espanyol, que heba dito que no premitiría ista decisión archentina. A numero 2 d’o PP, María Dolores de Cospedal si que heba dito iste maitín que “o gubierno espanyol risponderá a Archentina d’alcuerdo con os suyos socios”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.