‘Argo’, millor film en uns Oscar muit repartius

'Life of Pi', a mas premiada con quatro Oscars. 'Lincoln' se levó nomás dos premios de dotze nominacions

Argo

Premio a la millor pelicula ta ‘Argo’

Argo‘, dirichiu por Ben Affleck y alazetau en a crisi d’os hostaches d’Irán de 1979, ha estau galardonau con l’Oscar a o millor film en a uitantasetena edición d’os premios de cine de l’academia norteamericana,  que s’ha celebrau ista maitinada pasada en Los Angeles. En una d’as sorpresas mas grans d’a nueit,  a primera dama norteamericana, Michelle Obama, ha estau a encargada de presentar, a traviés d’un vidio, a os nominaus en ista categoría. Han estau uns premios que, a diferencia d’atros anyos, no han teniu un ganador claro. De feito, ‘Argo’ nomás s’ha levau dos premios mas, d’os consideraus menors: guion adaptau y montache.

Life of Pi‘ (‘A vida de Pi’) ha estau o film con mas Oscars, con quatro, entre os quals o de millor director ta Ang Lee. ‘Os miserables‘ ha aconseguiu tres Oscars, incluyiu o de millor actriz secundaria ta Anne Hathaway, ‘Django unchained‘ (‘Django desencadenau’) n’ha obteniu dos: millor actor secundario (Cristoph Waltz) y millor guion (Quentin Tarantino). ‘Lincoln‘ yera o film que teneba mas nominacions, dotze, pero nomás ha aconseguiu dos premios: ta Daniel Day Lewis como millor actor protagonista y millor dirección artistica. O premio t’a millor actriz protagonista ha estau ta Jennifer Lawrence por o film ‘Silver Linings Playbook‘ (‘El lado bueno de las cosas’). ‘Amour‘, de Michael Haneke, ha ganau l’Oscar a o millor film de fabla no anglesa.

Lista de galardonaus.

Fuent: http://www.vilaweb.cat/noticia/4088291/20130225/argo-millor-film-uns-oscar-repartits.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.