Arias Cañete, candidato d’o PP en as eleccions europeas

O ministro tien un pasau trasvasista prou polemico en Aragón

Arias Cañete (foto: Wikipedia)

Arias Cañete (foto: Wikipedia)

Miguel Arias Cañete, actual Ministro d’Agricultura d’o gubierno espanyol, será o candidato sinyalau por o PP ta encapezar a lista d’iste partiu espanyol t’as eleccions europeas. Encara que ya muitas voces lo heban sinyalau como candidato, no ha estau dica iste miercols que s’ha feito publico.

Maria Dolores de Cospedal, secretaria cheneral d’o PP, ye estada la encargada d’anunciar-lo, decindo d’ell que “ye a persona que millor ha esfendiu os intreses chenerals d’Espanya“, como ministro y como eurodiputau, cargos que ha ocupau en diferents momentos.

Encara no se sabe qui sustituyirá a Cañete en o ministerio d’Agricultura y Meyo Ambient, ni si o cambio obligau en ixe ministerio, afectará a belatro. O gubierno tien encara prou plazo, pues dica lo 21 no s’ha de formalizar a candidatura.

A relación d’o encara ministro con Aragón no ye estada precisament facil, en haber estau un d’os grans esfensors d’o trasvase de l’Ebro que planteyó o PP en a lechislatura 2000-2004. Tamién belunas d’as suyas declaracions estioron polemicas de part d’alavez. En os zaguers meses, dende partius politicos y organizacions socials tamién se le ha criticau por no refusar de traza clara a posibilidat de planteyar nuevos trasvases de l’Ebro.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.