Arqueologos britanicos troban o calendario mas antigo, de fa 10.000 anyos

Iste calendario podría estar cinco mil anyos mas viello que no o dica agora mas viello d'o mundo

calendario antigoArqueologos britanicos descubrioron recientment un calendario que data arredol de l’anyo 8.000 antes d’a nuestra era que mide o tiempo por as fases d’o Sol y d’a Luna y que podría estar o mas antigo d’o mundo. Iste calendario, datau de fa 10.000 anyos, estió trobau en un monumento mesolitico d’Aberdeenshire, en Escocia, y podría preceder en cinco mil anyos a o mas antigo que se’n conoixe, indicó un estudeo divulgado a la revista online Internet Archaeology.

“As evidencias suchieren que as sociedatz de cazadors recolectors en Escocia teneban tanto a necesidat como os abances que fan falta pa medir o tiempo a traviés d’os anyos”, explicó Vince Gaffney, responsable d’a investigación. “Isto ilustra un trango important ent’a construcción formal d’o tiempo y, por tanto, d’a propia historia”.

Por a suya parte, David Cowley, atro d’os investigadors, sinyaló que o calendario se podió trobar por a reconoixencia que se fa a bells puestos arqueolochicos y que ha permitiu de localizar mils de puestos d’importancia arqueolochica que no han puesto estar detectaus dende tierra.

Christopher Gaffney, d’a Universidat de Bradford, dició que as comunidatz de cazadors-recolectors prehistoricos amenistaban de conoixer o paso d’o tiempo, y d’ista traza, qué fuents de recursos alimentarios yeran disponibles en as diferents epocas de l’anyo.

Fuent: http://noticies.sirius.cat/2013/07/arqueolegs-britanics-troben-calendari.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.