Arredol de 3.400 personas han visitau hué o Concello de Zaragoza

A más, os museus yeran hué de valdes, y manyana, encara que siga lunes, ubriran con horario de festivo.

Concello de Zaragoza (Foto: Andrés Gaspar)

Concello de Zaragoza (Foto: Andrés Gaspar)

Arredol de 3.400 personas han acudiu hué, diya de Sant Valero, a las visitas menadas d’o Concello de Zaragoza. A fredor y l’airera no han desanimau a os zaragozanos, que han formau grans codas ta dentrar a visitar as instalacions municipals. As collas, de 50 personas, s’han succediu dende as 10.00 horas ta conoixer un poquet mas d’a historia de Zaragoza y veyer bellas salas -plens, recepcións…- d’o Concello d’a ciudat.

Os museus tamién han rechistrau a-saber-las vesitas en iste diya en o que as dentradas yeran de valdes. Por o museu d’o Foro han pasau 1.718 personas; 1.101 por o Puerto Fluvial; 1.200 han acudiu a las Termas y 1.473 al museu
d’o Teyatro Romano. A más, 1.334 personas han vesitau hué o museu
Pablo Gargallo. Ixas zifras son d’as 20.00 horas, pero los museus
continaran ubiertos y recibindo vesitas dica las 21.00 horas.

A más, manyana, 30 de chinero, encara que siga lunes, os museus municipals remanirán ubiertos en horario de festivo, de 09.00 a 14.00 horas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.