Arriba la recta final d’Espiello

Remata o X Festival Internacional de Documental Etnografico de Sobrarbe, Espiello, y lo fa con una afluencia de publico que supera os 3.000 espectadors.

Sinyal d'onor d'Espiello. (Foto: Espiello)

Espiello, X Festival Internacional de Documental Etnografico de Sobrarbe enfrontina la suya recta final y lo fa con un balanz muit positivo d’afluencia de publico, que supera os 3.000 espectadors, zifra superior a la de l’anyo pasau a istas altarias d’o certamen. Iste maitín 140 alumnos de Sobrarbe y Ribagorza han visto en o Palacio de Congresos de Boltanya a cinta “Vivir ta siempre” de Gustavo Ron, en a sección “Un día de cine” que o festival dedica cada anyo a os escolars.

Hué, viernes, a partir d’as 19 horas, se prochectarán 5 documentals d’a sección Concurso: “Descorche”, de Jerónimo García (Estau espanyol), “Chokora, Surviving on the street” de Lea Furrer (Suiza-Kenia), “Tiyabou Garmi” d’Octavi Royo (Estau espanyol), “Yo, o Bidasoa-Ni Bidasoa” de Gaizka Aranguren (Estau espanyol) y “Mulheres da serra de Montemuro” de Francisco Manso (Portugal). O sabado de maitíns se pasarán os zaguers 4 documentals d’os 26 que optan a os premios Espiello 2012: “Una casa para Bernarda Alba” de Lidia Peralta (Estau espanyol), “Madres 0,15 el minuto”, de Marina Seresesky (Estau espanyol), “Guardianes de la cultura rural. Fuentes de Narcea, tierra de artesanos” de Jaime Santos Álvarez (Estau espanyol) y “Cultura del territorio en losamontes de Pas” d’Álvaro de la Hoz Lasso de la Vega, Marta Solano y Pedro Pablo Picazo (Estau espanyol).

O cineasta uescano, Carlos Saura, viachará hué ta tierras sobrarbenses ta replegar o “Sinyal d’onor Espiello 2012” que o festival Espiello le concede aintro d’o homenche que le tributa. Os actos prencipiarán a las 17:30 horas con as procheccions de dos titols d’a suya filmografía “Cuenca” (1958) y “Sinfonía d’Aragón” (2008). A las 19 horas, o director d’a Corporación Aragonesa de Rayo y Televisión (CARTV), Pepe Quílez entrevistará a Carlos Saura en o Palacio de Congresos de Boltanya en un acto en o qual intervendrán José Luis Mur -fotógrafo, coleccionista de cameras fotograficas y de fotografías y buen amigo de Carlos Saura- y Carmen Puyó, periodista y critico de cine d’Heraldo d’Aragón.

Fuent: http://arainfo.org/2012/04/espiello-encara-su-recta-final/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.