Artieda consigue aturar, por l’inte, o recreiximiento de Yesa

Os funcionarios d'a CHE no podioron fer sinyar as expropiacions

Artieda contra l'entibo (Foto: Puyalón)
Artieda contra l’entibo (Foto: Puyalón)

A vecinalla de Artieda ha conseguiu, como ya fació en 2004, aturar por l’inte, a expropiación de terrenos ta fer o recreimiento de l’entibo de Yesa, que engaronaría parti d’as tierras d’o municipio. Os funcionarios d’a Confederación Hidrografica de l’Ebro (CHE) no han puesto conseguir fer que os nueu propietarios d’as tierras que quereban expropiar sinyasen as actas.

A las 9:30 d’ahiere os quatre funcionarios, con achents d’a Guardia Civil, plegoron en Artieda y se i troboron con os vecins fendo un muro humano en a carretera con pancartas y chilando frases contra o entibo. Por os altavoces d’o lugar sonaba l’himno d’o PP, d’a lechión, u trozos d’o NO.DO. Mientres más d’una hora, os treballadors d’a CHE, no han puesto pasar t’o concello a on s’heban de sinyar os documentos que caleba t’as expropiacions.

A la fin, l’alcalde ha sinyau un acta de no comparecencia con os representants d’a CHE, que no han conseguiu a firma de dengún d’os afectaus por l’entibo. En declaracions a Aragón Digital l’alcalde Javier Jiménez se preguntaba cómo yera posible ‘que gastasen ixos diners t’a una carretera en un prochecto d’entibo que encara no se ha feito y más enta debant tiengamos as obras de l’autovía de Pamplona de tot aturadas’.

O siguient trango d’a CHE ta mirar de fer as expropiacions será citar a los afectaus en os terrenos ta conseguir-ie as firmas. Si no bi isen se ferá l’acta d’ocupación, como prevei a lei.

Os vecins d’Artieda ya consiguioron, con a mesma traza pacifica d’actuar, aturar as expropiacions en 2004. Istas accions se decidioron en una asambleya de vecins fa bells diyas. Istos levan trenta anyadas oposando-se a lo recreiximiento d’un entibo que, ahiere, nomás teneba un 50 % pleno.

Artieda ha recibiu tamién o refirme de atros afectaus por entibos como a Coordinadora Biscarrués – Mallos de Riglos, a iniciativa ciudadana de Sangüesa “Yesa+no, Vida+si”, l’alcaldesa de Morillo de Galligo, Joaquín Palacín, diputau de CHA u bells representants de Puyalon.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.