Artieda refusa as expropiacions ta obras complementarias a Yesa

As expropiacions corresponden a la construcción d'un viaducto que nomás se contempla si se fa Yesa a cota completa y no meya, como ye prochectau

Artieda contina en a luita contra Yesa (Foto: Coagret)

Artieda contina en a luita contra Yesa (Foto: Coagret)

O venient 29 febrero son previstas expropiacions en o termino d’Artieda ta unas obras complementarias a l’entibo de Yesa. L’Asociación Río Aragón y COAGRET facioron ahiere un acto, en os arredols d’Artieda, ta denunciar a inutilidat d’as obras d’o viaductor que connecta a rotonda de l’autovía Uesca-Pamplona con a carretera de Sos, que motiva ixas expropiacions. O prochecto contempla a reposición de bells 8 km., entre ells iste viaducto d’1 km aproximadament, ta salvar o río Aragón. Ye un prochecto que se corresponde con o recreiximiento a cota maxima, sin tener en cuenta l’actual prochecto a cota meya, y o coste d’o qual puya por l’inte a mas d’11 millons de euros. Dende as asociacions se denuncia que o recreiximiento ye esdevenindo un disparate, que contina enronando millons d’euros sin garra chustificacion, Manimenos, entremistanto i hai un tramo que correspondería con as reposicions de l’autovía entre Escó y Tiermas que encara no ye licitau.

Seguntes Coagret, una d’as organizaderas de l’acto, con os millons emplegaus en fer istas obras y un entibo que no s’imple más d’o 50%, se podeban haber feito as balsas laterals que suposaban una alternativa más barata y sin os impactos meyoambientals, economicos y socials d’un macroentibo como Yesa.

En ixe diya 29 tamién s’han convocau aiccións ta protestar contra istas nuevas expropiacions. A las 10 d’o maitín s’ha convocau a la chent en a localidat ta amostrar o refús a ista nueva “enrestida contra o territorio”, seguntes os convocants.

Una rispuesta a Artieda refusa as expropiacions ta obras complementarias a Yesa

  1. Pingback: Artieda, un lugar que luita, canta y baila | Purnas en o zierzo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.