As altas temperaturas convierten o Polo Norte en un enorme lago

O Polo Norte torna atro verano a regalar-se deixando l'apariencia d'un gran lago

deschelo arcticoFotos espectaculars amuestran como as solidas napas de chelo que caracterizan a superficie d’o Polo Norte s’han regalau y convertiu en un enorme lago d’augua chelida. L’acontecimiento natural estió gravau por l’Observatorio Medioambiental d’o Polo Norte, d’os EE.UU., y rechistra a evolución d’o polo entre o 30 de chunyo y o 25 de chuliol d’iste anyo. En o vidio se veye o proceso en 2012 dica que a plegada de l’agüerro tornó a chelar-lo tot.

En abril l’Arctico experimentó una d’as mayors nevadas d’os zaguers anyos pero en mayo a calor aumentó, tendencia que se mantenió dica chuliol con temperaturas d’entre un y tres graus por alto d’a media, o que precipitó o deschelo d’a zona.

A revista scientifica ‘LiveScience‘ se fació eco d’o que ha pasau en un informe an que explica que l’augua capta mas radiación solar que no o chelo y l’aria se torna mas calida a causa d’as temperaturas elevadas. O Polo Norte rechistró temperaturas d’entre dos y cinco graus por alto d’a media iste anyo.

Gail Whiteman, experto d’a Universidat Erasmus en os Países Baixos, dició que o norte ye en un circlo vicioso, ya que a fusión de chelo libera boiras de metano ta l’atmosfera accelerando o ritmo d’o calentamiento global. Antiparte, a desalinización y l’aumento d’augua dulza en o mar accelera a conchelación con temperaturas menos baixas.

Manimenos conviene aclarir que o deschelo d’o Polo Norte ha ocurriu en anteriors ocasions, encara que o proceso ni antes ni agora afectó a toda a capa solida de l’Arctico.

En cheneral, o deschelo de l’Arctico contina de forma accelerada, pero os expertos son trestallaus sobre si isto tien relación con un calentamiento global u no.

Fuent: http://noticies.sirius.cat/2013/07/video-les-altes-temperatures.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.