As asociacions de consumidors prencipian en Zaragoza a suya campanya informativa contra o sobrepre d’a luz

O venient sabado se ferá en Zaragoza una manifestación contra as continas puyadas d'iste servicio basico

cartelAs asociacions de consumidors aragonesas prencipian iste chueves a suya campanya ta protestar por as continas puyadas d’o recibo d’a luz, con a instalación d’una mesa informativa en o Paseyo Independencia (amán d’a plaza Espanya) entre as 11:00 y as 13:00, y entre as 17:00 y as 19:00. L’obchectivo d’istas organizacions ye espardir entre os ciudadans as suyas propuestas y soluciones en materia enerchetica “y concienciar-les sobre dica que punto cal la movilización ta solucionar o chandrío d’a reforma electrica en Espanya”, afirman.

A factura media d’as casas aragonesas ha puyau 30 euros en as zaguers quatre anyadas; en iste tiempo, entre 2009 y fin de 2013, a renta media en Aragón ha cayiu un 7%. Una puyada de pres que han puesto comprebar os consumidors aragoneses y que se corresponde con as cifras que planteya o propio Ministerio d’Industria, qui confirma que o recibo s’ha feito un 72% más caro en as zaguers diez anyadas, un 30% dende l’anyada 2013. Y que en Aragón se resume en facturas que iban entre os 45 y os 50 euros mensuals de media fa quatre anyos, y que agora s’amanan a los 80 euros mensuals.

Movilización o 1 de febrero

Por ixo as asociacions continan con as suyas iniciativas de movilización y acción ta planteyar a los poders publicos ya las productoras y comercializaderas d’enerchía que ista situación no ye tolerable. Ya l’anyo pasau quasi millón y medio de consumidors se quedoron sin luz en tot l’estau en no poder pagar la factura. “As puyadas recient aprebadas y a baixada de poder adquisitivo d’os usuarios ferán que ista situación torne a repetir-se, lo que obliga a os consumidors a acreixentar a suya reivindicación”, afirman istas organizacions, que han convocau a totz os ciudadans a participar en una manifestación que saldrá o sabado 1 de febrer en a siede d’Endesa en carrera Sant Miguel 10, y que rematará en a Delegación d’o Gubierno en Aragón (Plaza d’o Pilar).

 

Fuent: http://www.cronicadearagon.es/wordpress/?p=47305

Una rispuesta a As asociacions de consumidors prencipian en Zaragoza a suya campanya informativa contra o sobrepre d’a luz

  1. Pingback: As asociacions de consumidors prencipian en Zaragoza a suya campanya informativa contra o sobrepre d’a luz | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.